पत्रकार दिलभूषण पाठक काठमाडौं जिल्ला अदालतमा उपस्थित

15.1K
shares
Nabil bank

काठमाडौं ।पत्रकार दिलभूषण पाठकविरुद्ध विद्युतीय कारोबार ऐन अन्तर्गत साइबर कसूरको अभियोगमा मुद्दा दर्ता भएको छ। यस सम्बन्धमा उनी आज काठमाडौं जिल्ला अदालतमा उपस्थित भएका छन्।

पाठकविरुद्ध “हिल्टनमा जयवीर देउवाको पैसा” शीर्षकमा सामग्री प्रकाशन गरेको आरोप लगाइएको छ। उक्त सामग्रीले व्यक्तित्वमा आँच पुर्‍याउने र तथ्यहीन आरोप लगाएको भनी उजुरी दायर भएपछि साइबर अपराधसम्बन्धी कारबाही प्रक्रिया अघि बढाइएको हो।

अदालतमा उपस्थित भएपछि पाठकको प्रारम्भिक बयान लिइएको छ। अब थुनछेक बहस सुरु हुने तयारी गरिएको छ। सरकारी वकिलको कार्यालयले विद्युतीय कारोबार ऐन अन्तर्गत कैद वा जरिवानाको मागसहित मुद्दा अघि बढाएको जनाइएको छ।

यस मुद्दाले पत्रकारिता स्वतन्त्रता र सामाजिक सञ्जालमा अभिव्यक्ति स्वतन्त्रता प्रयोगका सीमा सम्बन्धी बहससमेत चर्काएको छ। पत्रकार महासङ्घलगायतका विभिन्न पेशागत संघसंस्थाहरूले घटनाबारे चासो व्यक्त गरेका छन्।

अदालतको फैसलाले अभिव्यक्ति स्वतन्त्रता र साइबर सुरक्षाबीचको सन्तुलन खोज्नेतर्फ संकेत गर्ने सम्भावना देखिएको छ।

civil hospital
Hams Hospitals
Subscribe
Notify of
guest

0 Comments
Oldest
Newest Most Voted
0
Would love your thoughts, please comment.x
()
x