गाउँको दूरदराजदेखि काठमाडौंको सिंहदरबारसम्म

काठमाडौं । फिफा विश्वकप २०२६ को सेमिफाइनलमा अर्जेन्टिनासँग २–१ गोलअन्तरले पराजित भएपछि इङ्गल्यान्डका पूर्वकप्तान डेभिड बेकह्यामले निराशा व्यक्त गर्दै टोलीको प्रदर्शनप्रति गर्व व्यक्त गरेका छन् ।

सामाजिक सञ्जाल इन्स्टाग्राममार्फत प्रतिक्रिया दिँदै बेकह्यामले हारले आफूहरू सबैलाई पीडा दिएको उल्लेख गर्दै टोली, समर्थक र देशले विश्वकपभर दिएको साथ र सिर्जना गरेका अविस्मरणीय क्षणका लागि धन्यवाद दिएका छन् ।

उनले लेखेका छन,‘यो हारले हामी सबैको मन दुखाएको छ । तर यो विश्वकपले प्रेरणा दिने र सधैं सम्झनामा रहने धेरै सुन्दर सम्झनाहरू दिएको छ । हाम्रो टोली, समर्थक र देशलाई धन्यवाद ।’

एटलान्टामा सम्पन्न सेमिफाइनलमा इङ्गल्यान्डले खेलको ५५औँ मिनेटमा एन्थोनी गोर्डनको गोलबाट अग्रता लिएको थियो । मोर्गन रोजर्सको पासमा गोर्डनले गोल गर्दै टोलीलाई अघि बढाएका थिए ।

तर त्यसपछि रक्षात्मक बनेको इङ्गल्यान्डमाथि अर्जेन्टिनाले लगातार दबाब सिर्जना ग¥यो । खेलको ८५औँ मिनेटमा कप्तान लियोनेल मेस्सीको पासमा एन्जो फर्नान्डेजले बराबरी गोल फर्काए ।

इन्जुरी समयमा मेस्सीले दिएको उत्कृष्ट क्रसलाई लाउटारो मार्टिनेजले हेडमार्फत गोलमा परिणत गर्दै अर्जेन्टिनालाई २–१ को रोमाञ्चक जित दिलाए । यो जितसँगै साविक विजेता अर्जेन्टिना फाइनलमा प्रवेश गरेको छ । अब अर्जेन्टिनाले उपाधिका लागि स्पेनसँग प्रतिस्पर्धा गर्नेछ भने इङ्गल्यान्डले तेस्रो स्थानका लागि फ्रान्ससँग खेल्नेछ । एएनआई