गाउँको दूरदराजदेखि काठमाडौंको सिंहदरबारसम्म

काठमाडौं ।सरकारी कार्यालयमा कर्मचारीहरूको सरुवा–बढुवा नियमित प्रक्रिया भए पनि केही कर्मचारीहरू भने लामो समयदेखि एउटै कार्यालयमा निरन्तर कार्यरत रहेको पाइएको छ। प्राप्त विवरणअनुसार लोकसेवा आयोगमा  ६ वर्षदेखि २५ वर्षसम्म बसेका कर्मचारी भेटिएका छन् । जुन दलको सरकार आएपनि उनीहरूले सरुवा हुन परेको छैन ।

उक्त कार्यालयमा उपसचिवदेखि खरिदारसम्मका विभिन्न तहका कर्मचारीहरू लामो समयदेखि कार्यरत छन्।

चुरामणि मरासैनी (उपसचिव), दिवश नेपाली (नायब सुब्बा/पि.ए. सहसचिव), इश्वरी अधिकारी, नवराज रिमाल, हरी प्रसाद पन्थी (स्टोरकिपर), विपिन महासेठ, अच्यूत ज्ञवाली, माया पन्थी, प्रकाश पोखरेल, शोभाखर ज्ञवाली र दुर्गाप्रसाद आचार्य  लामो समय आयोगमाबरहेका छन्।

त्यसैगरी खरिदार तहमा श्रवण कुमार झा, तिलक प्रसाद चालिसे, युवक लम्साल र भूपेन्द्र चौलागाई पनि आयोग छोडेर अन्त गएका छैनन् ।

यी कर्मचारीहरू एउटै कार्यालयमा लगातार ६ वर्षदेखि २५ वर्षसम्म सेवा दिँदै आएका छन्। लामो समय एउटै कार्यालयमा कार्यरत रहँदा प्रशासनिक अनुभव र कार्यसम्पादनमा दक्षता बढ्ने भए पनि सरुवा प्रणालीको प्रभावकारिताबारे प्रश्न उठ्ने गरेको छ। त्यसो त लोकसेवा जस्तो कर्मचारी भर्ना गर्ने कार्यालयमा लामो समय उनै कर्मचारी रहदा निस्पक्षतामा पनि प्रश्न आउने अधिवक्ता केशव अधिकारी बताउँछन् ।

सरकारी सेवा प्रणालीमा नियमित सरुवा र जिम्मेवारी परिवर्तनलाई महत्वपूर्ण मानिन्छ। तर लामो समयसम्म एउटै कार्यालयमा बस्दा कार्यसम्पादन, पारदर्शिता र संस्थागत गतिशीलतामा असर पर्न सक्ने विज्ञहरू बताउँछन् ।

लोकसेवा आयोगदेखि संवैधानिक निकायमा रहेका कर्मचारी सधैँ सुगममा