गाउँको दूरदराजदेखि काठमाडौंको सिंहदरबारसम्म

काठमाडौं । साताको दोस्रो कारोबार दिन आज (सोमबार) सेयर बजारमा हरियाली छाएको छ । पछिल्लो समय घटिरहेको बजारमा लामो समयपछि हरियाली देखिएको हो ।

बजारमा हरियाली छाएसँगै लगानीकर्ताहरु उत्साहित भएका छन् । आज कारोबार रकम र र परिसूचक दुवै बढेको छ ।

नेपाल स्टक एक्सचेन्ज (नेप्से)का अनुसार आज सेयर कारोबार मापक नेप्से परिसूचक ८७.६३ अंकले बढेर २६७२.२५ बिन्दुमा पुगेको छ । आज नेप्से ३.३९ प्रतिशतले बढेको हो । त्यस्तै, सेन्सेटिभ परिसूचक पनि १३.६१ अंकले बढेर ५०४.५७ बिन्दुमा पुगेको छ ।