गाउँको दूरदराजदेखि काठमाडौंको सिंहदरबारसम्म

काठमाडौँ । प्रधानमन्त्री तथा मन्त्रिपरिषद्को कार्यालय अन्तर्गत रहेको राजस्व अनुसन्धान विभाग (DRI) अर्थ मन्त्रालयमा गइसकेपछि त्यस विभागमा कार्यरत अधिकृत स्तरका कर्मचारीहरूको ठूलो संख्यामा पुनर्स्थापन भएको छ।

संघीय मामिला तथा सामान्य प्रशासन मन्त्रालयले विभागमा कार्यरत ३ जना उपसचिव र १२ जना शाखा अधिकृत सहित १५ जना अधिकृत–स्तरीय कर्मचारीलाई अतिरिक्त समूहमा तानेको पुष्टि गरेको छ। विभाग अर्थ मन्त्रालयमा स्थानान्तरण भएसँगै नयाँ कार्यविधि (O&M) अनुसार जनशक्ति समायोजन आवश्यक परेको जनाइएको छ।

स्रोतका अनुसार DRI मा कार्यरत नायव सुब्बा तथा खरिदार सरहका कर्मचारीलाई पनि निकट भविष्यमा मन्त्रालयको अतिरिक्त समूहमा तान्ने तयारी भइरहेको छ। विभागको पुनर्संरचना र समायोजन प्रक्रियाअनुसार मानव संसाधन पुनर्स्थापन हुने बताइएको छ।

अर्थ मन्त्रालयमा गएको राजस्व अनुसन्धान विभागले अब नयाँ संरचना, कार्यविभाजन र निरीक्षण प्रणाली अनुसार काम गर्नेछ। मन्त्रालय तानिएका कर्मचारीहरूको नयाँ जिम्मेवारी मन्त्रालयबाट चाँडै तोकिने जनाइएको छ।