गाउँको दूरदराजदेखि काठमाडौंको सिंहदरबारसम्म

रौतहट। रौतहट प्रहरीले भन्सार छलेर ल्याइएका लाखौं रुपैयाँ बराबरको भारतीय सामान बरामद गरेको छ । भारतीय नम्बरका ४ वटा मोटरसाइकलमा ५ लाख ३४ हजार ९५० बराबरको किराना सामान र कपडा ल्याउँदै गरेको अवस्थामा प्रहरी टोलीले ती सामान बरामद गरेको हो ।

बरामद सामान जिल्ला भन्सार कार्यालय गौरमा बुझाएको जिल्ला प्रहरी प्रवक्ता डिएसपी एलिजा गिरीले बताइन् । त्यस्तै प्रहरीले प्रतिबन्धित लागु औषधसहित एक जनालाई पक्राउ गरेको छ। फतुवा विजयपुर नगरपालिका ८ का २८ वर्षीय सञ्जयकुमार दासलाई प्रहरीले नाईट्रोभेट १० एमजीको २८९ ट्याब्लेट सहित पक्राउ गरेको हो ।

इलाका प्रहरी कार्यालय मौलापुराका प्रमुख इन्स्पेक्टर कुशल बर्तौलाको कमान्डमा खटिएको प्रहरी टोलीले मौलापुर ५ मा चेकजाँचको क्रममा ना १३ प ४१९२ नम्बरको मोटरसाइकलसहित दासलाई नियन्त्रणमा लिएको हो ।दासमाथि लागु औषधसम्बन्धी मुद्दा दर्ता गरी कारबाही प्रक्रिया अगाडी बढाइएको जिल्ला प्रहरी कार्यालय रौतहटको सूचनामा उल्लेख गरिएको छ।